Nursultan Nazarbaev «Samuryq-Qazyna» ulttyq ál-aýqat qory» AQ basqarma tóraǵasy Almasadam Sátqaliev pen «Lýkoil» kompaniiasynyń prezidenti Vagit Alekperovti qabyldady, dep habarlaidy "Ult aqparat" Elbasynyń resmi saityna silteme jasap.
Kezdesýde munai-gaz salasyndaǵy áriptestikti damytý máseleleri men investitsiialyq jobalardy júzege asyrý jospary talqylandy.
– «Lýkoil» kompaniiasy Qazaqstanda burynnan kele jatqan iri investorlardyń biri. Sizder «Teńiz», «Qarashyǵanaq» siiaqty ken oryndarynda jumys isteisizder, «Kaspii qubyr konsortsiýmynyń» infraqurylymdyq jobasyna qatysyp jatyrsyzdar, – dedi «Samuryq-Qazyna» ulttyq ál-aýqat qoryn basqarý jónindegi keńestiń Tóraǵasy.
V.Alekperov Elbasyǵa birlesken jobalardy iske asyrý, sonyń ishinde Kaspii teńizindegi birqatar ken oryndaryn igerý arqyly Qazaqstan ekonomikasyna salynatyn investitsiia kólemin arttyrý jospary týraly aityp berdi.
