Nursultan Nazarbaev jumys saparymen Shymkentte júr, - dep habarlaidy kaz.tengrinews.kz tilshisi.
Shymkenttegi №23 mekteptiń muǵalimi Anna Baryshevanyń sózinen keiin latyn álipbiine kóshý máselesi kóterildi. 3 tildi meńgergen pedagogtyń aitýynsha, balalarǵa latyn álipbiine kóshý qiyndyq týdyrmaidy, sebebi olar tilderdi 1-synyptan bastap meńgeredi.
"Latyn álipbiine kóshý qisynsyz másele emes, ol ýaqyt aǵymy. Eńbekke qabiletti memleket jaily aitqanda, men eńbekke jaramdy azamattar jaily aitamyn. Halyqaralyq aǵylshyn tilin bilý kerek. Sebebi barlyǵyna sol til qajet. Men túrli qaýipter jaily estip jatamyn. Biraq biz kirill qarpinen bas tartpaimyz. Biz orys mádenieti men orys tilin umytpaimyz. Orys tili arqyly álemdik mádeniet jaily bildik jáne orys tili únemi bizben bolady. Bizdiń kórshimiz árdaiym qasymyzda jáne biz árqashan birge jumys isteitin bolamyz", - dedi Nursultan Nazarbaev.
Sondai-aq, Prezident úsh tildilikti nyǵaitý úshin elimizdiń ýniversitetterin aǵylshyn tiline kóshirý josparlanyp otyrǵanyn aitty.
Eske sala keteiik, osyǵan deiin Qazaqstan Prezidenti "Bolashaqqa baǵdar: rýhani jańǵyrý" atty maqalasynda jyl sońyna deiin latyn álipbiine kóshý jobasyn daiarlaýdy usynǵan bolatyn. "Mektep qabyrǵasynda balalarymyz aǵylshyn tilin oqyp, latyn áripterin onsyz da úirenip jatyr. Sondyqtan, jas býyn úshin eshqandai qiyndyq, kedergiler bolmaq emes", - degen edi Memleket basshysy. Latynǵa kóshkennen keiin kirill qarpinde basylyp shyqqan kitaptardyń taǵdyry ne bolmaq?
