Nursultan Nazarbaev qazaq álipbiiniń latyn nusqasy týraly pikir bildirdi, - dep habarlaidy "Ult aqparat".
Memleket basshysy jýrnalisterderiń suraǵyna jaýap bere otyryp, jańa álipbi engizýge áli ýaqyt bar ekenin atap ótti.
"Qazaq álipbiin latynǵa kóshirý týraly halyqpen, ziialy qaýymmen aqyldastyq, tarihshy ǵalymdarmen, filologtarmen jan-jaqty talqylap, biryńǵai júiege toqtadyq. Sońǵy nusqa kórsetildi, sony bekittim. Alaida ázirshe jańa álipbidi tolyqtai engizip, jumys isteýge ýaqyt bar. Sondyqtan barlyǵy sheshilip qoiǵan másele dep oilamaý kerek. Dáiekshe durys pa, túrli nusqadan tańdaý nemese túrik baýyrlardyń álipbiin alý týraly áli de qyzý talqylanyp jatqanyn bilemin. Menińshe, álipbi kompiýterlik úlgige sáikes kelýi tiis. Osy úshin jasadyq. Sondyqtan qazirgi nusqany durys dep esepteimin", - dedi Elbasy.
Áńgime barysynda Nursultan Nazarbaev latynǵa kóshýdiń sebebin eske saldy.
"Naǵyz táýelsizdik - tildiń táýelsizdigi. Bul eń bastysy. Álemniń 70 paiyzy osy álipbimen jumys isteidi. Bul ǵylym men tehnologiianyń, Internettiń tili. Ekinshiden, bul qazaq tiline paidaly. Kirillitsada qazaq tiline qajetsiz áripter bar. Úshinshiden, álemniń damyǵan elderiniń qataryna enýimiz tiis, olarmen terezemiz teń bolýy qajet. Sońǵysy - álipbi qazaq tilin ózge halyqtardyń meńgerýine paidasyn tigizedi. Bul bizdiń halyqqa tier paida. Kirillitsanyń burynǵydai qoldanyla beretinin aitqanmyn, ári qarai belgili bolady", - dedi Nursultan Nazarbaev.
Eske salaiyq, Qazaqstan Prezidenti Nursultan Nazarbaev 2017 jyldyń 27 qazanynda qazaq tili álipbiin kirillitsadan latyn grafikasyna kóshirý týraly Jarlyqqa qol qoiǵan bolatyn. Qaýly Aqordanyń saitynda jariialanǵan edi.
