Qazaqstannyń Tuńǵysh Prezidenti Iadrolyq synaqtarǵa jappai tyiym salý týraly shart uiymynyń Atqarýshy hatshysy Lassina Zerbomen kezdesti, dep habarlaidy "Ult aqparat" elbasy.kz saityna silteme jasap.
Elbasy Lassina Zerbony iadrolyq qarýsyz álem qurýǵa qosqan úlesi úshin alǵan marapatymen quttyqtady.
- Biz Sizdiń uiymyńyzben tyǵyz yntymaqtamyz jáne onyń barlyq salasyna qatysty Sizdiń jumysyńyzdy qoldaimyz. Siz asa mańyzdy jumys isteisiz. Barsha adamzattyń igiligi úshin birlesken qyzmetti odan ári qarai da jalǵastyramyz dep senemin, - dedi Nursultan Nazarbaev.
Óz kezeginde IaSJTSh Atqarýshy hatshysy jahandyq qaýipsizdikti nyǵaitýdaǵy Elbasy róliniń mańyzdylyǵyn atap ótti.
- Bálkim, iadrolyq qarýdan azat álem qurý jáne iadrolyq synaqtarǵa tyiym salý jolyndaǵy bizdiń maqsattarymyzdy aiqyndai alatyn kóshbasshy dúniejúzi boiynsha joq. Men Siz qalyptastyrǵan murany jalǵastyrýǵa niettimin. Siz jasaǵannyń barlyǵy – damý jolyndaǵy álem úshin úlgi», - dedi Lassina Zerbo.
