Qazaqstan Respýblikasynyń Prezidenti Nursultan Nazarbaev Qyrǵyz Respýblikasynyń Prezidenti Sooronbai Jeenbekovpen telefon arqyly sóilesti, dep habarlaidy "Ult aqparat" Aqordaǵa silteme jasap.
Memleket basshylary áńgime barysynda ekijaqty yntymaqtastyqtyń jáne óńirlik kún tártibiniń meilinshe ózekti máselelerin talqylady.
Prezidentter biylǵy 2 jeltoqsanda Astanada eki el úkimetteri qol qoiǵan Jol kartasyn dáiekti túrde iske asyrýdyń mańyzdylyǵyn atap ótti.
Bul turǵyda Qyrǵyzstan Prezidenti kúsheitilgen shekaralyq baqylaýdyń alynyp, Qazaqstan-Qyrǵyzstan shekarasyn kúzetý kúndelikti rejimge kóshirilgeni úshin Qazaqstan Prezidentine alǵys aitty.
Sondai-aq, Nursultan Nazarbaev pen Sooronbai Jeenbekov aldaǵy kezdesýler kestesin, sonyń ishinde Qyrǵyzstan Prezidentiniń Qazaqstanǵa saparmen kelý máselesin qarastyrdy.
Telefon arqyly sóilesýge Qyrǵyzstan jaǵy bastamashy boldy.
