Qazaqstan Prezidenti Nursultan Nazarbaev qazaqstandyq ákimderdiń qalai jumys isteýi kerektigi jaily aityp berdi, - dep habarlaidy "Ult aqparat" kaz.tengrinews.kz portalyna silteme jasap.
"Qalanyń jaqsy meri "qalanyń jaqsy meri" bolýy kerek. Ol tańǵy saǵat 5-te turyp, orynbasarlarymen jáne apparatpen birge búkil qalany aralap shyǵady. Sosyn jumysqa kelip, bylai deidi: "Qazir Prezident kelgenge deiin barlyǵyn tazalap, jýyp, aqtap qoiyńdar". Endi sen bul jumysty istegiń kelmese, onda men EXPO-ǵa deiin tańerteńgi ýaqytta qalany aralyp shyǵyp, sosyn baryp jumysqa baratyn bolamyn. Bul barlyq qalalar men oblys ortalyqtaryna qatysty. Qala basshysy qala qojaiyny bolýy kerek, qalany jaqsy kórýi kerek", - dedi Memleket basshysy EXPO-2017 kórmesiniń daiyndyǵyna qatysty jiynda.
Eske sala keteiik, Nursultan Nazarbaev osyǵan deiin Astana qalasynyń ákimi Áset Isekeshevti Astana kóshelerindegi qurylys qoqystary úshin sókken bolatyn. Sondai-aq, Memleket basshysy úgilgen plitkalarǵa qatysty Astana biligin synǵa alǵan edi.
