Nursultan Nazarbaev úkimettiń keńeitilgen otyrysynda baiandamasyn oryssha bastaǵan Qyzylorda oblysynyń ákimi Qyrymbek Kósherbaevqa eskertý jasady, dep habarlaidy Sputnik Qazaqstan tilshisi.
Otyrysta Qaraǵandy oblysynyń ákimi Erlan Qoshanov qazaqsha sóiledi. Al odan keiin sóz alǵan Qyzylorda oblysynyń ákimi Qyrymbek Kósherbaev baiandamasyn oryssha daiyndaǵan eken.
"Siz bizdiń aldymyzda qoiǵan negizgi maqsat ekonomikany ártaraptandyrý bolyp otyr…", — dep Qyrymbaevtyń oryssha bastaǵan sózin Elbasy bóldi.
"Qyzylordadan kelseń de, qazaqsha bastamaisyń, á", — dedi memleket basshysy.
"Qazaqsha biletinimdi bári biledi ǵoi. Sizge ekonomikalyq termin yńǵaily bolsyn dep, ruqsat etseńiz", — dedi oblys ákimi.
Prezident "Al, jaraidy" degennen keiin Qyrymbek Kósherbaev oryssha jalǵastyryp ketti.
