Koronavirýs daǵdarysy memlekettik basqarýdyń keibir salalarynda olqy tustar bar ekenin de kórsetti. Bul týraly búgin Elbasy Nursultan Nazarbaev Qazaqstan halqyna joldaǵan Úndeýinde málim etti, dep habarlaidy "Ult aqparat" Elbasynyń resmi saityna silteme jasap.
Úndeýde Tuńǵysh Prezident memlekettik basqarýdyń keibir salalarynda jedel áreket etý jaǵy jetispei jatqandyǵyn, máseleniń sheshilýi biýrokratiialyq kedergilerge kep tirelgendigi týraly aitty.
«Memlekettik organdar men keibir basshylar halyqtyń naqty problemalaryn jete sezinbeidi degen syn aitylyp júrgenin men jaqsy bilemin. Bul barlyq deńgeidegi depýtattardyń da jumysyna qatysty. Ony kóbine oryndy syn dep esepteimin. Depýtattar halyqtyń ortasynda bolyp, eldiń muń-muqtajyn jetkizýge tiis. Depýtattardyń mindeti – árdaiym el múddesin qorǵaý. Osyny umytpaýymyz kerek»,-dedi Nursultan Nazarbaev.
