Nursultan Nazarbaev kezdesý barysynda Qazaqstan men Ońtústik Koreia arasyndaǵy saýda-ekonomikalyq qarym-qatynastyń damyp kele jatqanyn jáne ony ári qarai nyǵaitýǵa múddeli ekenin atap ótti, dep habarlaidy Ult.kz tilshisi Aqordanyń resmi saityna silteme jasap.
– Qazaqstan Koreia Respýblikasymen jaqsy qarym-qatynas ornatqan. Elderimiz arasyndaǵy taýar ainalymynyń kólemi eki milliard dollarǵa jýyqtady. Sizderdiń taýarlaryńyzdyń bizdiń elge Lianiýngan porty arqyly kelip jatqany qýantady, onda bizdiń logistikalyq terminalymyz bar. Qazaqstan Koreiamen jańa jáne tsifrlyq tehnologiia, indýstriialandyrý, meditsina jáne basqa da salalarda yntymaqtastyq ornatýǵa nietti, – dedi Qazaqstan Prezidenti.
Sonymen qatar Memleket basshysy Qazaqstan men Ońtústik Koreia arasyndaǵy parlamentaralyq qarym-qatynastardy nyǵaitýdyń jáne olardy damytýdyń mańyzdylyǵyna nazar aýdardy.
Chon Se Giýn kezdesýge jáne ekijaqty qatynastar máselesin talqylaýǵa múmkindik bergeni úshin Nursultan Nazarbaevqa alǵys bildirdi.
Ulttyq Assambleia spikeri Astananyń qarqyndy damyp kele jatqanyn aityp, Qazaqstanda ótken jahandyq is-sharalar – Halyqaralyq «EKSPO-2017» mamandandyrylǵan kórmesi men Dúniejúzilik XXVIII qysqy ýniversiadaǵa joǵary baǵa berdi.
Chon Se Giýn ekijaqty bailanystyń strategiialyq sipatta damyp kele jatqanyna toqtalyp, «Qazaqstan-2050» strategiiasynyń maqsattaryna jetý jolynda Koreia Qazaqstanǵa seriktes bolýǵa daiyn ekenin atap ótti.
Budan bólek, Ulttyq Assambleia spikeri ótken ǵasyrdyń 30-jyldarynda Qazaqstanǵa jer aýdarylǵan etnikalyq káristerge kómek qolyn sozyp, qoldaý kórsetkeni úshin elimizdiń halqyna alǵys bildirdi.
Sonymen qatar Chon Se Giýn Qazaqstan Respýblikasy Parlamenti Májilisiniń spikeri N.Nyǵmatýlinmen kezdesip, eki el parlamentteri arasyndaǵy yntymaqtastyq týraly kelisimge qol qoiylǵanyn aitty.
