Foto: Prezident is basqarmasy
Astanadaǵy Nazarbaev kitaphanasy endi ortalyq retinde jumys isteidi, dep habarlaidy Kazinform agenttigi QR Prezidenti is basqarmasyna silteme jasap.
«Memlekettiń alǵashqy tulǵalarynyń tarihi murasyn saqtaý — álemdik tájiribe. Atalǵan dástúr prezident ortalyqtary men kitaphanalardyń qyzmetinde kórinis tapty. Tarihi-memorialdy mekemeler AQSh, Frantsiia, Túrkiia, Qytai, Malaiziia, Ázerbaijan jáne álemniń basqa elderinde bar. Olar muraǵat, kitaphana jáne murajai fýnktsiiasyn biriktire otyryp, ult kóshbasshylarynyń qyzmetine qatysty qundy derekterdi, kitap, kiim artefaktilerin saqtaidy», - delingen habarlamada.
Sondai-aq QR Prezidenti is basqarmasy AQSh-tyń tájiribesin keltirgen. 1955 jylǵy Prezidenttik kitaphanalar týraly zańǵa sáikes amerikalyq prezidentterdiń murasyn saqtaý missiiasyn júzege asyratyn 15 mekeme jumys isteidi eken. Eń tanymaly — Niý-Iorktegi Franklin Rýzvelt, Bostondaǵy Djon Kennedi, Kaliforniiadaǵy Ronald Reigan kitaphanalary.
«Jalpy álemdik dástúrge súiene otyryp elimizde QR Tuńǵysh Prezidenti kitaphanasynyń bazasynda Táýelsiz Qazaqstan kóshbasshylarynyń tarihi murasyn saqtaýmen, zerdeleýmen jáne ilgeriletýmen ainalysýǵa arnalǵan Prezidenttik ortalyq quryldy. Onda Qazaqstan prezidenttigi institýtyna qatysy bar jádigerler ortalyqtandyrylǵan túrde saqtalady. Jańadan qurylǵan ortalyqqa eks-prezident Nursultan Nazarbaevtyń jeke muraǵaty men jeke kitaphanasynyń materialdary, sondai-aq buryn tuńǵysh Prezident kitaphanasynda saqtalǵan murajai eksponattarynyń jinaǵy berildi. Búgingi tańda qorda 150 myńnan astam muraǵat qujattary, 40 myń kitap jáne 12 myń murajai zattary bar», — deidi basqarmadan.
Resmi aqparatta aitylǵandai, bolashaqta jańa ortalyqqa tarihi-mádeni qundylyǵy bar jeke qujattar men qazirgi Prezidenttiń kerek-jaraqtary da beriledi. Aldaǵy ýaqytta Qazaqstannyń kelesi prezidentteriniń qyzmeti týraly tiisti materialdar jinaqtalady.
«Ortalyqta Qazaqstan kóshbasshylarynyń qujattarymen qatar táýelsizdik tarihyna qatysty materialdardy jinaý, júieleý jáne zerdeleý josparlanyp otyr. Osylaisha Prezident ortalyǵy Qazaqstannyń qazirgi saiasi tarihyna arnalǵan iri tarihi-memorialdy, ǵylymi jáne mádeni-aǵartý ortalyǵyna ainalýdy maqsat etip otyr», - dep túsindirilgen habarlamada.
Basqarma málimetine súiensek, Prezident ortalyǵynyń kitaphanasy da qyzyǵýshylyq týǵyzady, onda prezidenttik institýt, memlekettik qurylystyń teoriiasy men praktikasy, Qazaqstan men Ortalyq Aziia elderiniń memlekettilik tarihy boiynsha ǵylymi jáne merzimdi basylymdar shoǵyrlanady.
Sonymen qatar álemniń jetekshi kitaphanalarynyń nysanaly qoryna qashyqtan qol jetkizýge bolady.
Ǵalymdar men stýdentter Prezident ortalyǵynan dissertatsiiasy men ǵylymi zertteýleri úshin osy taqyrypta sirek kezdesetin jáne biregei materialdardy taba alady.
«Bul rette ortalyqtyń qyzmeti kórsetilgen baǵyttarmen shektelmeidi. Ol bizdiń qoǵamdy tolǵandyratyn ózekti máselelerdi talqylaý úshin jetekshi saraptamalyq alańǵa ainalýǵa tiis. Óskeleń urpaqqa bilim berý jáne tárbie jumysyna kóp kóńil bólinedi. Ortalyq respýblikalyq biýdjetten qarjylandyrylady. Búginde shtat sany men qarjylandyrý somasy qaralyp jatyr», - deidi basqarmadan.
