Astanada Memleket basshysy Nursultan Nazarbaev úkimettiń keńeitilgen otyrysynda "memleket pen halyqtyń urlanǵan aqshasy" jaily pikir bildirdi, - dep habarlaidy "Ult aqparat" Tengrinews.kz agenttigine silteme jasap.
"Delta bank" litsenziiasynan aiyryldy, kreditterdiń 100 paiyzyna jýyǵy bank aktsioneriniń qolastyndaǵy kompaniialarǵa berildi. Al bank esebinde bul kórsetilmegen jáne tekseristerden keiin ǵana anyqtaldy. Bul banktiń 60 paiyz jaýapkershiliginde memlekettik syńaily qurylymdardyń esepshoty boldy. "Bank RBK" 90 paiyz kreditin tórtinshi zaemshilerge bergen, olar ne bank aktsionerleri, ne bailanysy bar adamdar", - dep baiandama jasady Daniiar Aqyshev.
"Bul isti qashan qoiamyz? Ábliazov basshylyq etken "BTA Bankiniń" halyqtyń aqshasyn jappai urlap jatqany barlyǵynyń kóz aldynda. Álem boiynsha munyń memleketten naǵyz aqsha urlaý áreketi ekenin dáleldep shyqtyq. Qazir she? Bank ashtyq, onda adamdar senip bardy, endi sol aktsionerler aqshany alyp ketip jatyr, Ulttyq bank bolsa, qarap qana otyr. Buǵan qalai jol berýge bolady? Bizge qadaǵalaýshy organ ne úshin qajet? Barlyq bankte osyndai... Bul meniń ashýymdy týdyrady", - dedi Qazaqstan Prezidenti.
"Óte durys aitasyz", — dedi Aqyshev.
"Ne óte durys? Sonda qadaǵalaý organy ne úshin qajet? Basqa bankter boiynsha da dál osylai. Qalai ashýlanbaisyń. "Jaman bolady, bankrottyqa jol bermeý kerek" dep aitamyz. Bankrotqa ushyrasyn nemese aqshany qaldyrsyn. Bul aktsionerler eshqaida da ketken joq qoi. Olar aqsha jinap, keiin sony alyp shyǵý úshin bank qurdy. Tapa-tal túste aqsha urlaýdy qalai túsinýge bolady?", — dedi prezident.
Nazarbaev banktiń jaǵdaiyn, aqsha aǵymyn kúni buryn qarap, baqylaýǵa múmkindik beretin zań jobasyn engizgenin aitty.
"Bul problemany túbirimen joiý úshin. Zań jobasyn qaraýdy tezdetýdi suraimyn", — dedi memleket basshysy.
"Kóp rahmet, Nursultan Ábishuly", — dedi Aqyshev.
"Ne rahmet? Sen muny baiaǵyda-aq isteýiń kerek edi", — dep eskertý jasady prezident.
Aita keteiik, keńeitilgen otyrys úkimet ǵimaratynda ótip jatyr.
Nazarbaev otyrystyń jospary men baiandamalardyń kezegi jaily aityp, premer-ministr Baqytjan Saǵyntaevqa sóz berdi.
"Qazaqstan sońǵy 10 jylda syrtqy áser men álemdik týrbýlenttiliktiń qysymynda boldy. Bul elimizdiń tez arada túbegeili ózgerýi úshin aýyr kezeń boldy, degenmen buǵan elimiz sizderdiń ýaqtyly qabyldaǵan sheshimderińizdiń arqasynda jetti", - dedi Saǵyntaev Prezidentke.
Sondai-aq, Saǵyntaev elimizdiń ótken jyldardaǵy jetistikterin atap ótti.
Eske sala keteiik, biyl 10 qańtarda Memleket basshysy Nursultan Nazarbaevtyń Qazaqstan halqyna Joldaýynyń tolyq mátini jariialanǵan bolatyn.
