Elbasy Nursultan Nazarbaev elordada ótip jatqan Onkologiiadaǵy Dúniejúzilik kóshbasshylar sammitiniń qatysýshylaryna quttyqtaý hat joldady, dep habarlaidy QazAqparat.
Elbasynyń quttyqtaýyn sammit barysynda Úkimet basshysynyń orynbasary Berdibek Saparbaev oqyp berdi.
«Qazaqstan astanasynda ótip jatqan obyrmen kúres kóshbasshylarynyń Dúniejúzilik sammitinde sizderge zor iltipatymdy bildiremin. Qashanda adamnyń eń basty bailyǵy - onyń densaýlyǵy. Biraq qorshaǵan orta ahýalynyń nasharlaýy, az qozǵalýdyń ómir saltyna ainalýy, durys tamaqtanbaý sozylmaly dertterdiń, sonyń ishinde onkologiialyq aýrýlardyń kóbeiýine ákep soqtyrdy. Qazaqstan bul jahandyq úrdisterge belsene ún qosyp keledi», - delingen Elbasynyń quttyqtaýynda.
Nursultan Nazarbaev 2018 jyly Qazaqstanda onkologiialyq aýrýlarmen kúrestiń 2022 jylǵa deiigi keshendi jospary bekitilgenin atap ótti.
«Biyl Onkologiia ulttyq ortalyǵynyń qurylysy bastaldy, onda obyrdy diagnostikalaý men emdeýdiń eń ozyq tehnologiialaryn qoldaný josparlanyp otyr. Alaida onkologiialyq aýrý erterek anyqtalsa, ony emdeý ońaiyraq bolady. Bul rette aýrýdy erterek anyqtaýdyń asa mańyzdy kezeńi – alǵashqy meditsinalyq-sanitarlyq kómek. Osydan týra bir jyl buryn álemniń 194 eli Dýniejúzilik Densaýlyq saqtaý uiymynyń Alǵashqy meditsinalyq-sanitarlyq kómek jónindegi Astana deklaratsiiasyn biraýyzdan qabyldady. Astana deklaratsiiasy meditsinalyq qyzmetpen jappai qamtýǵa, adam densaýlyǵyn saqtaýǵa qol jetkizý ýshin álemdik qoǵamdastyq kóshbasshylaryn alǵashqy meditsinalyq-sanitarlyq kómektiń rólin kúsheitýge úndedi. Damyǵan Alǵashqy meditsinalyq-sanitarlyq kómek kóptegen aýrýdyń, onyń ishinde obyrdyń sapaly profilaktikasyna, dertti erte anyqtaýǵa, tiimdi emdeýge septigin tigizedi».
Elbasy Qazaqstan úshin halyq densaýlyǵy - ornyqty damý men baqýattylyq negizi ekenin atap ótti.
«Sammitke belsene atsalysqandaryńyz úshin barshańyzǵa alǵys aityp, tabys tileimin, jumystaryńyz jemisti bolsyn!» - dep túiindegen Nursultan Nazarbaev qutttyqtaýynda.
Eske sala ketsek, elordada keshe Onkologiiadaǵy Dúniejúzilik kóshbasshylar sammitiniń jumysy bastalǵan bolatyn. Forým jumysyna Halyqaralyq obyrǵa qarsy odaq (UICC) prezidenti, joǵary mártebeli hanshaiym Dina Maired, Qazaqstan Densaýlyq saqtaý ministri Eljan Birtanov qatysýda.
