ەلباسى نۇرسۇلتان نازارباەۆ ەلوردادا ٶتٸپ جاتقان ونكولوگيياداعى دٷنيەجٷزٸلٸك كٶشباسشىلار سامميتٸنٸڭ قاتىسۋشىلارىنا قۇتتىقتاۋ حات جولدادى, دەپ حابارلايدى قازاقپارات.
ەلباسىنىڭ قۇتتىقتاۋىن سامميت بارىسىندا ٷكٸمەت باسشىسىنىڭ ورىنباسارى بەردٸبەك ساپارباەۆ وقىپ بەردٸ.
«قازاقستان استاناسىندا ٶتٸپ جاتقان وبىرمەن كٷرەس كٶشباسشىلارىنىڭ دٷنيەجٷزٸلٸك سامميتiندە سٸزدەرگە زور ٸلتيپاتىمدى بٸلدٸرەمٸن. قاشاندا ادامنىڭ ەڭ باستى بايلىعى - ونىڭ دەنساۋلىعى. بiراق قورشاعان ورتا احۋالىنىڭ ناشارلاۋى, از قوزعالۋدىڭ ٶمٸر سالتىنا اينالۋى, دۇرىس تاماقتانباۋ سوزىلمالى دەرتتەردٸڭ, سونىڭ ٸشٸندە ونكولوگييالىق اۋرۋلاردىڭ كٶبەيۋٸنە ەكەپ سوقتىردى. قازاقستان بۇل جاhاندىق ٷردٸستەرگە بەلسەنە ٷن قوسىپ كەلەدٸ», - دەلٸنگەن ەلباسىنىڭ قۇتتىقتاۋىندا.
نۇرسۇلتان نازارباەۆ 2018 جىلى قازاقستاندا ونكولوگييالىق اۋرۋلارمەن كٷرەستٸڭ 2022 جىلعا دەيٸگٸ كەشەندٸ جوسپارى بەكٸتٸلگەنٸن اتاپ ٶتتٸ.
«بيىل ونكولوگييا ۇلتتىق ورتالىعىنىڭ قۇرىلىسى باستالدى, وندا وبىردى دياگنوستيكالاۋ مەن ەمدەۋدٸڭ ەڭ وزىق تەحنولوگييالارىن قولدانۋ جوسپارلانىپ وتىر. الايدا ونكولوگييالىق اۋرۋ ەرتەرەك انىقتالسا, ونى ەمدەۋ وڭايىراق بولادى. بۇل رەتتە اۋرۋدى ەرتەرەك انىقتاۋدىڭ اسا ماڭىزدى كەزەڭٸ – العاشقى مەديتسينالىق-سانيتارلىق كٶمەك. وسىدان تۋرا بٸر جىل بۇرىن ەلەمنiڭ 194 ەلٸ دۋنيەجٷزٸلٸك دەنساۋلىق ساقتاۋ ۇيىمىنىڭ العاشقى مەديتسينالىق-سانيتارلىق كٶمەك جٶنٸندەگٸ استانا دەكلاراتسيياسىن بٸراۋىزدان قابىلدادى. استانا دەكلاراتسيياسى مەديتسينالىق قىزمەتپەن جاپپاي قامتۋعا, ادام دەنساۋلىعىن ساقتاۋعا قول جەتكٸزۋ ۋشiن ەلەمدٸك قوعامداستىق كٶشباسشىلارىن العاشقى مەديتسينالىق-سانيتارلىق كٶمەكتiڭ رٶلٸن كٷشەيتۋگە ٷندەدٸ. دامىعان العاشقى مەديتسينالىق-سانيتارلىق كٶمەك كٶپتەگەن اۋرۋدىڭ, ونىڭ ٸشٸندە وبىردىڭ ساپالى پروفيلاكتيكاسىنا, دەرتتٸ ەرتە انىقتاۋعا, تيٸمدi ەمدەۋگە سەپتٸگٸن تيگٸزەدٸ».
ەلباسى قازاقستان ٷشٸن حالىق دەنساۋلىعى - ورنىقتى دامۋ مەن باقۋاتتىلىق نەگٸزٸ ەكەنٸن اتاپ ٶتتٸ.
«سامميتكە بەلسەنە اتسالىسقاندارىڭىز ٷشiن بارشاڭىزعا العىس ايتىپ, تابىس تٸلەيمٸن, جۇمىستارىڭىز جەمٸستٸ بولسىن!» - دەپ تٷيٸندەگەن نۇرسۇلتان نازارباەۆ قۇتتتىقتاۋىندا.
ەسكە سالا كەتسەك, ەلوردادا كەشە ونكولوگيياداعى دٷنيەجٷزٸلٸك كٶشباسشىلار سامميتٸنٸڭ جۇمىسى باستالعان بولاتىن. فورۋم جۇمىسىنا حالىقارالىق وبىرعا قارسى وداق (UICC) پرەزيدەنتٸ, جوعارى مەرتەبەلٸ حانشايىم دينا مايرەد, قازاقستان دەنساۋلىق ساقتاۋ مينيسترٸ ەلجان بٸرتانوۆ قاتىسۋدا.
