Qazaqstan Prezidenti Nursultan Nazarbaev polshalyq biznesmenderge Eýraziialyq ekonomikalyq odaq aýmaǵyndaǵy jumystyń artyqshylyqtaryn túsindirdi, dep habarlady QazAqparat tilshisi.
«Eger biz sizdermen birge qazaqstandyq aýyl sharýashylyǵy ónimin óńdesek, Qytaiǵa, Ortalyq Aziiaǵa, Reseidiń batysy men soltústigine satýǵa bolady, bul óte tiimdi bolar edi. Polshaǵa Eýraziialyq ekonomikalyq odaqtyń nesi unamaitynyn bilmeimin. Bul iske bastamashylyq etken menmin. Resei qaita Keńes odaǵyn jinap jatyr deidi bireýler. Múmkin Keńes odaǵynyń qulaǵanyn qalamaityndar bar shyǵar, alaida ony qalpyna keltirgisi keletinderdiń basy joq, sebebi bul múmkin emes. Sondyqtan Eýropada bul jaily durys túsinik bar dep oilamaimyn», - dep málimdedi biznes-forýmda N. Nazarbaev.
Memleket basshysy bul jaǵdaidy túzetý úshin kúzde «Eýropalyq odaq pen Eýraziialyq ekonomikalyq keńistikti» jaqyndatý konferentsiiasy ótetinin habarlady.
«Dostar, sizder mynany túsinýlerińiz kerek. Birinshiden, EAEO - bul 180 mln halyq, 2,5 trln IJÓ, Keden odaǵy, ashyq jáne erkin shekaralar. Bul integratsiia, basqa eshteńe emes. Árine, Eýraziialyq odaq jasaiyq degen saiasatkerler de boldy. Men: «Joq tek ekonomikalyq» dedim. Biz táýelsizdigimizdi Polshadan kem qadir tutpaimyz», - dep atap ótti N. Nazarbaev.
Onyń aitýynsha, eger polshalyq kompaniialar EAEO-da jumys istese, onda 180 mln halyqpen naryq paida bolady. «Saiasattan bir sátke alys keteiikshi. Eger agroónerkásiptik keshen ónim óńdese, biz qosymsha qundy kóteremiz, bul barlyǵyna paida ákeledi», - dep sózin túiindedi ol.
Eske salsaq, 22-23 tamyzda N. Nazarbaev Prezident Andjei Dýdanyń shaqyrtýymen Polsha Respýblikasyna memlekettik saparmen bardy.
