Biliktiń barlyq deńgeiindegi partiialyq jaýapkershilikti kúsheitýimiz qajet. Bul týraly «Nur Otan» partiiasy Saiasi keńesiniń keńeitilgen otyrysynda QR Tuńǵysh Prezidenti – Elbasy Nursultan Nazarbaev aitty, dep habarlaidy "Ult aqparat".
«Biliktiń barlyq deńgeiindegi partiialyq jaýapkershilikti kúsheitýimiz qajet. Atqarýshy bilik, Úkimet, ákimder óz isterin jasap jatyr, túsinikti de. Al partiia arqyly adamdardyń qoǵamdyq ómirin kim ilip alyp ketedi? 2016 jyldan beri partiianyń «Qazaqstan-2021: Birlik, beibitshilik, jasampazdyq» atty sailaýaldy baǵdarlamasyn júzege asyryp kelemiz. Búgin biz Premer-Ministr baiandamasynan sailaýaldy ýádeniń 70 paiyzy oryndalǵanyn estidik. Taǵy 30 paiyzy qalyp otyr. Olardy saralaý qajet. Ol jerde eń mańyzdy tarmaqtar qalyp qoiǵan da shyǵar... Degenmen, olardy eshkim kótermeidi, Májilistegi fraktsiia – eshkim. Kelesi sailaýǵa kelgende halyqqa ne aitamyz?», - dedi QR Tuńǵysh Prezidenti.
Elbasy 30 jyl boiy 100 paiyz oryndalatyn usynystardy ǵana qoldaý ustanymynan esh taimaǵanyn basa aitty.
«Osy 30 jyl barlyqtaryńyzdyń esterińizde bar. Barlyǵy da qarajatpen, baqylaýmen qamtamasyz etildi. Sońynda biz oryndadyq dep baiandaitynbyz. Qazir de dál sol bolýy tiis. Muny sailaýshylarǵa kórsetý kerek», - dedi Nursultan Nazarbaev.
