بيلٸكتٸڭ بارلىق دەڭگەيٸندەگٸ پارتييالىق جاۋاپكەرشٸلٸكتٸ كٷشەيتۋٸمٸز قاجەت. بۇل تۋرالى «Nur Otan» پارتيياسى ساياسي كەڭەسٸنٸڭ كەڭەيتٸلگەن وتىرىسىندا قر تۇڭعىش پرەزيدەنتٸ – ەلباسى نۇرسۇلتان نازارباەۆ ايتتى, دەپ حابارلايدى "ۇلت اقپارات".
«بيلٸكتٸڭ بارلىق دەڭگەيٸندەگٸ پارتييالىق جاۋاپكەرشٸلٸكتٸ كٷشەيتۋٸمٸز قاجەت. اتقارۋشى بيلٸك, ٷكٸمەت, ەكٸمدەر ٶز ٸستەرٸن جاساپ جاتىر, تٷسٸنٸكتٸ دە. ال پارتييا ارقىلى ادامداردىڭ قوعامدىق ٶمٸرٸن كٸم ٸلٸپ الىپ كەتەدٸ? 2016 جىلدان بەرٸ پارتييانىڭ «قازاقستان-2021: بٸرلٸك, بەيبٸتشٸلٸك, جاسامپازدىق» اتتى سايلاۋالدى باعدارلاماسىن جٷزەگە اسىرىپ كەلەمٸز. بٷگٸن بٸز پرەمەر-مينيستر بايانداماسىنان سايلاۋالدى ۋەدەنٸڭ 70 پايىزى ورىندالعانىن ەستٸدٸك. تاعى 30 پايىزى قالىپ وتىر. ولاردى سارالاۋ قاجەت. ول جەردە ەڭ ماڭىزدى تارماقتار قالىپ قويعان دا شىعار... دەگەنمەن, ولاردى ەشكٸم كٶتەرمەيدٸ, مەجٸلٸستەگٸ فراكتسييا – ەشكٸم. كەلەسٸ سايلاۋعا كەلگەندە حالىققا نە ايتامىز?», - دەدٸ قر تۇڭعىش پرەزيدەنتٸ.
ەلباسى 30 جىل بويى 100 پايىز ورىندالاتىن ۇسىنىستاردى عانا قولداۋ ۇستانىمىنان ەش تايماعانىن باسا ايتتى.
«وسى 30 جىل بارلىقتارىڭىزدىڭ ەستەرٸڭٸزدە بار. بارلىعى دا قاراجاتپەن, باقىلاۋمەن قامتاماسىز ەتٸلدٸ. سوڭىندا بٸز ورىندادىق دەپ باياندايتىنبىز. قازٸر دە دەل سول بولۋى تيٸس. مۇنى سايلاۋشىلارعا كٶرسەتۋ كەرەك», - دەدٸ نۇرسۇلتان نازارباەۆ.
