Memleket basshysy «QazMunaiGaz» UQ» AQ basqarmasynyń tóraǵasy Saýat Myńbaevty qabyldady, dep habarlaidy "Ult aqparat" Aqordaǵa silteme jasap.
Kezdesý barysynda Qazaqstan Prezidentine ulttyq kompaniianyń birinshi jartyjyldyqtaǵy qyzmetiniń negizgi qorytyndylary men aldaǵy perspektivalaryna arnalǵan josparlary jóninde baiandaldy.
Nursultan Nazarbaev «QazMunaiGaz» aktsionerlik qoǵamy munai-gaz jobalarynyń barlyǵyna qatysatyn Qazaqstandaǵy iri óndiris holdingterdiń biri ekenin atap ótip, energetika sektoryn odan ári damytý úshin kompaniianyń áleýetin paidalaný qajettigin aitty.
«Búginde «QazMunaiGaz» belgili bir damý deńgeiine jetti jáne qurylymdy ońtailandyrý, tehnologiialyq úderisterdi tsifrlandyrý, IPO-ǵa shyǵýǵa ázirlik barysyn qamtityn transformatsiia kezeńin bastan ótkerýde», - dedi Qazaqstan Prezidenti.
Saýat Myńbaev Memleket basshysyna energiia resýrstaryna degen álemdik baǵanyń kompaniia tabysyna áser etýi turǵysynan munai naryǵyndaǵy ahýaly jóninde baiandady.
Kezdesý qorytyndysy boiynsha Elbasy birqatar naqty tapsyrma berdi.
