Qazaqstan Prezidenti Nursultan Nazarbaev qazirgi zamanǵy "sándi" terminderdi sol qalpy qoldanbai, barynsha túsinikti etip aýdarýdy usyndy, dep habarlaidy Sputnik Qazaqstan tilshisi.
"Biz qazir jańa terminderdi meńgerip jatyrmyz. Máselen, kovorking-ortalyqtar qurylyp jatyr, qazaqtarǵa múlde túsiniksiz sóz osy. Mindetti túrde osylai aitý qajet pe? "Ko" – birlesken, "vorking" – jumys. "Birlesken jumys" dep nege aitpaisyńdar? Barlyǵy mindetti túrde "sándi", ádemi bolýy kerek, ásirese jastar áýes osyǵan. Biraq bizdiń jasaǵan dúniemizdiń barlyǵy halyqqa túsinikti bolýy kerek", — dedi Nazarbaev "Nur Otan" partiiasynyń saiasi keńesiniń keńeitilgen otyrysynda.
Ol óńirlerge jasaǵan sapary kezinde, Almaty men Oraldaǵy kovorking-ortalyqtardyń jumysymen tanysqanyn atap ótti.
"Bul jumystyń ashyqtyǵy – barlyǵy bir jerge jinalyp, oqidy, birlesip IT ónim shyǵarady", — dedi prezident.
Astanada "Nur Otan" partiiasynyń saiasi keńesiniń keńeitilgen otyrysy ótip jatyr. Otyrysta memleket basshysynyń 2017 jyldyń 3 qarashasynda partiia saiasi keńesiniń otyrysynda bergen tapsyrmalaryn iske asyrý barysy jáne prezidenttiń bes áleýmettik bastamasynyń iske asyrylýyn qadaǵalaityn qoǵamdyq baqylaýdy uiymdastyrý máseleleri qaralady.
