"MIR" arnasyna bergen suhbatynda Qazaqstan Prezidenti Nursultan Nazarbaev elimizge jáne UQKU-ǵa tóngen qaýipter týraly aityp berdi, - dep habarlaidy kaz.tengrinews.kz.
"Búgin biz úshin eń qaýiptisi - terrorizm. Al munymen birde-bir el jalǵyz kúrese almaidy, sondyqtan, bizdiń elder men kúsh qurylymdarymyz UQKU aiasynda yntymaqtasa jumys istese, isimiz nátijeli bolady", - dedi Elbasy.
Prezidenttiń pikirinshe, ekinshi orynda kóshi-qon máselesi tur. Óitkeni Qazaqstan arqyly 4 million adam basqa elge ótedi, al 600 myń migrant elde jumys istep júr.
"Úshinshisi - Aýǵanystan arqyly basqa elder men Qazaqstan aýmaǵy arqyly Resei men Eýropaǵa ótetin esirtki trafigi. Mine, osy úshin UQKU arnaiy jattyǵýlar ótkizip turady. Qazir álemde 250 million adam esirtki paidalanady, al 10 million adam jyl saiyn esirtkiden kóz jumady. Eń birinshi munyń jastarǵa áserin toqtatý kerek, bizge ujymdasa júmys isteý kerek", - dep atap ótti Nazarbaev.
"Mine osylar eń basty qaýipter. Sonymen qatar, elimizdi óz ishimizden iritkisi keletin jáne syrtqy kúshter týraly aitqanbyz. Bul da ujymdyq qaýipsizidk uiymynyń nazaryndaǵy másele. Al bul baǵytta júmys isteý kúrdeli bolyp keledi. Birinshiden áskerilerdi daiyndaý: bizdiń jastar ózge elderde, al olardyń bolashaq áskerileri bizdiń elde bilim alady. Ujymdyq kelisimshart negizinde bir-birimizdi jeńildikter arqyly qarý-jaraqpen qamtamassyz etemiz. Árine, munda reseilik qarý jasaý júiesiniń basymdyǵy zor", - deidi Nursultan Nazarbaev.
Sonymen birge, Elbasy tyiym salynǵan "Islam memleketi" úiymyna kirgen qazaqstandyqtar azamattyǵynan aiyrylatynyn aitty.
