Qazaqstannyń Tuńǵysh Prezidenti Nursultan Nazarbaev qazaqstandyqtardy Pasha merekesimen quttyqtady. Bul týraly elbasy.kz saity habarlady.
***
Qymbatty otandastar!
Sizderdi Pasha meiramymen shyn júrekten quttyqtaimyn!
Bul kún – dini nanym-senimine qaramastan barsha qazaqstandyqtar úshin mańyzdy ári saltanatty mereke. Óitkeni táýelsizdiktiń 30 jyly ishinde elimizdegi ulttardyń basqa da dini meiramdaryn qurmetpen atap ótý igi dástúrge ainaldy.
Biz mádenietimizdi baiytý arqyly qoǵamymyzdy adamgershilik pen rýhani turǵydan nyǵaitamyz. Elimizde saltanat qurǵan tatýlyq pen rýhani kelisim – bárimizdiń baǵa jetpes bailyǵymyz.
Búginde qazaqstandyqtardyń beibitsúigishtigi men toleranttylyǵy meiirimdilik, ádilettilik pen birlik siiaqty qundylyqtardy qurmetteitin úilesimdi memleket qurýdyń tiregi bolyp otyr.
Osy jarqyn merekede barshańyzǵa tynyshtyq, jaqsylyq pen baq-bereke tileimin!
