Memleket basshysy Nursultan Nazarbaev qazaqstandyqtardy Pasha merekesimen quttyqtady. Bul týraly Aqordanyń resmi saitynda habarlady.
"Qurmetti otandastar!
Aitýly Pasha merekesimen shyn júrekten quttyqtaimyn!
Bul – barlyq qurlyqtardy meken etken kóptegen adamdardyń ómirindegi erekshe máni bar meiram. Biyl pravoslavtar men katolikterdiń ony bir mezette atap ótýi meiramnyń máni men mańyzyn arttyra túsýde.
Bizdiń elimizde barlyq adamdar Pashany, sondai-aq basqa da mańyzdy dini merekelerdi jyly sezimmen qabyldaidy. Bul biregei dástúr bizdiń qoǵamymyzdyń tatýlyq, dostyq jáne kelisim qundylyqtarymen bekitilgen birligin aishyqtai túsedi.
Búgingi tańda barlyq konfessiialardyń bir-birin syilaýǵa jáne ashyq pikirlesýge negizdelgen jemisti yntymaqtastyǵy – Qazaqstannyń erekshe maqtanyshy.
Ejelgi Pasha meiramy – jańǵyrýdyń, izgi úmit pen jaǵymdy ister jasaýǵa talpynystyń nyshany. Osynyń barlyǵy júieli túrde túbegeili ózgeristerdi júzege asyryp jatqan elimizdiń qazirgi damý kezeńimen úndesip jatyr.
Jarqyn merekede barlyq qazaqstandyqtarǵa densaýlyq, otbasylaryna amandyq, barlyq bastamalaryna tabys tileimin!" delingen Elbasy quttyqtaýynda.
