Qazaqstannyń Tuńǵysh Prezidenti Nursultan Nazarbaev qazaqstandyqtardy Qurban ait merekesimen quttyqtady, - dep habarlaidy elbasy.kz.
"Qurmetti otandastar! Barshańyzdy qasietti Qurban ait meiramymen shyn júrekten quttyqtaimyn! Qurban ait - adamdardy beibitshilik pen birlikke, meiirimdilik pen izgilikke úndeitin jarqyn mereke. Qazaqstandyqtar úshin bul meiramnyń mańyzy erekshe. Ol adamgershilik jáne rýhani qundylyqtardy nasihattap, túrli ult pen din ókilderi arasyndaǵy aýyzbirlik pen syilastyqty arttyrýǵa septigin tigizedi.
Ait kúnderi árbir adam igi ister jasap, rýhani tazarýǵa, qurban shalyp, kómekke muqtaj jandarǵa qol ushyn sozýǵa tyrysady. Qazirgi ýaqytta Qurban ait meiramy jaqsylyqtyń jarshysyna ainalyp, elimizde tatýlyq pen kelisimdi nyǵaitýǵa uitqy bolyp otyr. Aldaǵy ýaqytta da solai bolaryna kámil senemin. Osynaý qasterli merekede árbir shańyraqqa shattyq, tynyshtyq pen baq-bereke tileimin! Ait qabyl bolsyn!" - dedi Nazarbaev.
