Tuńǵysh Prezident Nursultan Nazarbaev Qazaqstan Qyrymdy nege reseilik dep tanymaǵanyn túsindirdi, - dep habarlaidy Tengrinews.kz tilshisi.
"Biz Qyrymdy reseilik dep tanymadyq, óitkeni onda men Soltústik (Ońtústik. - avtor) Osetiia, Abhaziia, Kosovony tanýym kerek edi. Kosovo da bizden moiyndaýymyzdy suraidy. Biraq ýkrainalyq tarapqa da jaqtaspadyq ", - dedi Nazarbaev "Qazaq: The History of Golden Man" ("Qazaq: Altyn adam tarihy") filmindegi amerikalyq rejisser Oliver Stoýnmen áńgimede.
Elbasy Qyrymnyń Reseige qosylýyna ákelgen betburys 2014 jyly Kievtegi tóńkeris boldy dep sanaidy.
"Ýkrainada bári tynysh bolǵan kezde, Reseimen qarym-qatynas jaqyn edi, Qyrymda turatyndardyń bári týystaryna, dostaryna bara alatyn, al ýkrainalyq ultshyldar kelip, bári solar úshin ekenin aitqan kezde, olar, árine, alańdap qaldy, Reseige qaita qabyldaýdy ótindi, referendým boldy... munyń bári jaqsy emes. Munyń bári Kievte bolǵan tóńkeristen týyndady", - dedi Nazarbaev.
