Qazaqstan Tuńǵysh Prezidenti Nursultan Nazarbaev halyqqa úndeý jasady, - dep habarlaidy "Ult aqparat" elbasy.kz saityna silteme jasap.
"Qurmetti otandastar! Ardaqty aǵaiyn! 2022 jyl halqymyz úshin kúrdeli de qaterli synaqtan bastaldy. Barshańyzǵa málim, uiymdasqan ekstremistik toptar elimizde jappai tártipsizdik ornatyp, terroristik shabýyl jasady. Sonyń saldarynan beibit turǵyndarymyz zardap shekti. Qasiretti oqiǵa kezinde qaza bolǵandardyń jaqyndary men týǵan-týystarynyń qaiǵysyna ortaqtasyp, kóńil aitamyn. Lańkester eldigimiz ben egemendigimizge, tynyshtyǵymyz ben tutastyǵymyzǵa qaýip tóndirip, jurttyń berekesin qashyrdy. Prezidentimiz Qasym-Jomart Kemeluly Toqaevtyń shuǵyl sheshimderiniń arqasynda el irgesi sógilgen joq. Memleket basshysyn qoldaý - barshamyzdyń azamattyq boryshymyz", - dedi Elbasy.
Nazarbaev endi osy oqiǵadan sabaq alyp, mundai bassyzdyqqa jol bermeý keregin aitty.
"Babalarymyz ǵasyrlar boiy ańsaǵan táýelsizdiktiń otyz jyly ishinde atqarǵan isterimiz az emes. Qazaqstan álemge tanylǵan eńseli elge ainaldy. Ulan-ǵaiyr shekaramyz túbegeili bekitildi. Elimizde irgeli reformalar júzege asyp, Ortalyq Aziiada kósh bastadyq. Eýraziia júreginde, Saryarqa tósinde jańa astanamyz boi kóterdi. Birlik barda eshbir jaý saǵymyzdy syndyra almas", - dedi Nazarbaev.
