Búgin Astanada Alǵys aitý kúnine ótken saltanatty sharada QR Memlekettik xatshysy Gúlshara Ábdiqalyqova Elbasy Nursultan Nazarbaevtyń quttyqtaýyn jetkizdi, dep habarlaidy "Ult aqparat".
«Qurmetti qazaqstandyqtar! Alǵys aitý kúni - bul bizdiń memlekettik jáne qoǵamdyq kúntizbemizde jaqynda ǵana paida bolǵan erekshe kún. Alaida atalǵan mereke tereń tarixymyzǵa negizdelip otyr. Bul meiram izgilik, qaiyrymdylyq, ózara kómek siiaqty adamnyń eń asyl qasietteri kóringen qiyn-qystaý kezeńniń esteligi ispetti. Alǵys aitý kúnin atap ótip, biz bir jaǵynan artqa taǵy bir ret qarap, xalqymyzdyń rýxani qaharmandyǵyna taǵy bir bas iemiz. Al ekinshi jaǵynan adamgershiliktiń myqty bailanystaryna negizdelgen bolashaqqa nyq senimmen qarai alamyz. Biz - óz tabystarymyzǵa da, aldydan shyqqan táýekelderge de alǵys aitamyz. Sebebi onyń barlyǵy Otanymyzdyń kúsh-jigerin qairap, alǵa umtylýǵa óz septigin tigizedi. Men Qazaqstan xalqyna birlik-yntymaǵy úshin, táýelsiz memleketti qurý jolyndaǵy qajymas qairaty úshin alǵysymdy bildiremin. Aldaǵy ýaqytta da qaiyrymdylyq pen ózara kómektiń dástúri jalǵasady dep senemin», - dedi Memleket basshysy óziniń quttyqtaý xatynda.
Aita keteiik, búgin Astanadaǵy Beibitshilik jáne kelisim saraiynda Alǵys aitý kúnine arnalǵan saltanatty shara uiymdastyryldy. Oǵan Memlekettik xatshy Gúlshara Ábdiqalyqova, depýtattar, mádeniet jáne qoǵam qairatkerleri qatysty.
