Qazaqstan Prezidenti Nursultan Nazarbaev Syrtqy ister ministri Qairat Ábdirahmanovty qabyldady, - dep habarlaidy "Ult aqparat" Aqordaǵa silteme jasap.
Kezdesý barysynda Qairat Ábdirahmanov Memleket basshysyna Syrtqy ister ministrliginiń qazirgi qyzmeti, sondai-aq aldaǵy kezeńge arnalǵan josparlary jóninde málimdedi.
Elbasy Aziiadaǵy ózara is-qimyl jáne senim sharalary keńesi men Kaspii mańy memleketteri basshylarynyń sammitine daiyndyq barysyndaǵy uiymdastyrýshylyq jáne mazmundyq máselelerge basa nazar aýdardy.
Nursultan Nazarbaev Úkimettiń keńeitilgen otyrysynda berilgen tapsyrmalar turǵysynan alǵanda, syrtqy saiasat vedomstvosy ekonomikamyzdyń basty salalaryna sheteldik investitsiia tartý úderisinde erekshe ról atqaratynyn atap ótti.
Qazaqstan Prezidenti kezdesý sońynda birqatar naqty tapsyrma berdi.
