Nursultan Nazarbaev Jeńis Qasymbekke Investitsiia jáne damý ministrligindegi olqylyqtardy Isekeshevke jabýdy usyndy, - dep habarlaidy "Ult aqparat" kaz.tengrinews.kz portalyna silteme jasap.
"Indýstrializatsiianyń negizgi basymdylyǵy men mindetteri jaiynda ótken jyly Indýstrializatsiia kúninde talqylaǵanbyz jáne ol meniń joldaýymda bar. Osyǵan orai, myna jumysqa nazar aýdaraiyq: osyǵan deiin iske qosylǵan 150 milliard teńge jumsalǵan 72 joba tolyqqandy jumys istep jatqan joq nemese múldem toqtap tur. Sondyqtan da Jeńis, sen bar kináni burynǵy basshyǵa Isekeshovqa silteseń bolady. Kelgen kezde úsh paket daiyndaý kereksiń. Birinshi paket - burynǵy basshyǵa silteý, saǵan deiin bolǵan. Ekinshi paket - ózińniń jas ekenińdi aitý. Úshinshi paket - kelesi seniń ornyńa keletin adamǵa daiyndaý.
Memleket basshysy osy mekemelerdiń jartysyn iske qosqan kúnniń ózinde elimizdiń ekonomikasyna orasan zor paidasy tietinin aitty.
Eske salaiyq, 25 qańtarda Qazaqstan Prezidenti qazaqstandyqtarǵa arnaiy úndeý jasaǵan bolatyn. Prezidenttiń bilik tarmaqtaryn úlestirý máseleleri boiynsha úndeýi telearnalar efirinde taratyldy. Keiinirek Prezidenttiń Qazaqstan halqyna Joldaýynyń mátini jariia bolǵan edi. Joldaýda Nazarbaev Úkimettiń bir oryndy shiyrlai berýdi doǵarýyn, sondai-aq, Úkimet pen Ulttyq qaýipsizdik komitetine "Qazaqstan kiberqalqany" júiesin qalyptastyrý sharalaryn qabyldaýdy tapsyrǵan edi.
