Memleket basshysy biýdjettik qarajattyń igerilmeýine qatysty pikirin bildirdi, - dep habarlaidy kaz.tengrinews.kz tilshisi QR Úkimetiniń otyrysynan.
Qarjy ministriniń aitýynsha, 2016 jyldyń biýdjeti elimizdegi ekonomikalyq jaǵdaidy jetildirýge, jańa jumys oryndaryn qurýǵa jáne kásipkerlikti damytýǵa baǵyttaldy. Sondai-aq, Baqyt Sultanov biýdjet qarajatynyń igerilmeýine qatysty túsinik bere otyryp, byltyr 36 milliard teńgeniń igerilmegenin aityp ótti.
"Igerý degen termin bar. Bir jyl ýaqyt boiy biýdjetten aqsha alynbaidy. Biraq jyldyń sońynda bul aqshalar jumsala bastaidy. Sodan ár ministrlik qarajattyń qaida ketkenin túsindirip, dáleldei bastaidy. Iaǵni, munyń barlyǵy negizsiz qoiylatyn talaptar bolǵan", - dedi Memleket basshysy.
Prezidenttiń aitýynsha, biýdjetti úlestirgen kezdi aqshany tolyqtai igermeitinderge beriletin qarajatty qysqartý kerek.
"Olarǵa tek aqsha kerek. Al sen bolsa, taǵy da aqshany ońdy-soldy taratyp jatyrsyń. Saǵan memlekettiń aqshasy - qazyna tapsyryldy. Sen memlekettiń aqshasyn qorǵaityn adamsyń", - dedi Nazarbaev qarjy ministrine.
