Nursultan Nazarbaev Parlament Májilisiniń depýtaty Baqytbek Smaǵuldy qabyldady, dep habarlaidy "Ult aqparat" Aqordaǵa silteme jasap.
Memleket basshysy keńes áskerleriniń Aýǵanstannan shyǵarylǵanyna 30 jyl tolý qarsańynda ótkizilgen bul kezdesýdiń simvoldyq máni bar ekenin atap ótip, osy eldegi áskeri is-qimyldarǵa qatysqan azamattar men ardagerlerdi aitýly kúnmen quttyqtady.
Sondai-aq, Elbasy aýǵan soǵysynyń ardageri, Qazaqstan Respýblikasy Qarýly Kúshteriniń polkovnigi Boris Kerimbaevtyń qaitys bolýyna bailanysty onyń týǵan-týysqandaryna kóńil aitty.
Baqytbek Smaǵul Nursultan Nazarbaevqa «Qazaqstan ardagerleri» Aýǵanstandaǵy soǵys ardagerleri uiymdarynyń qaýymdastyǵy tarapynan atqarylǵan jumystar men keńes áskerleriniń Aýǵanstannan shyǵarylǵanyna 30 jyl tolýyna orai ótkizilip jatqan is-sharalar týraly málimdedi.
