Memleket basshysy Nursultan Nazarbaev Qazaqstan halqy Assambleiasy sessiiasynyń kezekti otyrysynda qazaqstandyqtarǵa úndeý jasady, - dep habarlaidy Tengrinews.kz tilshisi.
"Kúndelikti ómirde jáne basqa jerlerde qatelikter jiberip jatatynymyzdy bilemin. (...) Konstitýtsiiamyzda Qazaqstandaǵy kez kelgen adamnyń quqyǵyna qaishy bolatyn zańnyń kúshi jok ekeni kórsetilgen. Konstitýtsiiany qarap, onda aitylǵandy oryndaý kerek. Sondyqtan atqarýshy bilik ókilderi óz oryndarynda otyryp kez kelgen jaǵdaida naqty sheshim taba bilý kerek. Sizderge Qazaqstanda, óz Otanyńyzda, ózinizdi jaily seziný úshin barlyq jaǵdai jasalǵan", - dedi Qazaqstan Prezidenti.
Memleket basshysy qazaqstandyqtardy taǵy da yntymaqtastyq pen birlikke shaqyrdy.
"Memleketti qurý bir bólek, al ony ishki jáne syrtqy qiyn qystaý kezeńderden alyp qalý - eń úlken jumys. (…) Eń bastysy - ishki tynyshtyq pen ishki túsinistik. (...) Bizde birden kemshilikti kórip, ony odan da asyryp jetkizetinder bar. Ondai adamdar bar. Mysaly, shyǵysta sý tasqyny boldy. Barlyǵy búkil Qazaqstan sý astynda qaldy dep jatty. Mundai adamdardy oryndaryna qoiý kerek. Biz úshin eń bastysy turaqtylyq, bizdiń amandyq. Sonda ǵana biz damimyz", - dedi Nursultan Nazarbaev.
