Elbasy Nursultan Nazarbaev Siriiadan Qazaqstan azamattaryn evakýatsiialaý boiynsha gýmanitarlyq operatsiiaǵa bailanysty málimdeme jasady, dep habarlaidy "Ult aqparat" Aqordaǵa silteme jasap.
"Biylǵy 6 qańtarda meniń tapsyrmam boiynsha quqyq qorǵaý organdary men Syrtqy ister ministrligi júrgizgen gýmanitarlyq shara nátijesinde Siriiadan 47 azamatymyz, sonyń ishinde 30 bala elimizge qaitaryldy.
Olar daǵdarys jailaǵan elge aldanyp baryp, terroristerdiń tutqynynda boldy. Qazaqstanǵa kelgen soń áielder men balalarǵa memleket tarapynan barlyq kómek kórsetildi. Osyndai aýyr jaǵdaiǵa ushyraǵan bul kinásiz jandardyń qýanyshynda shek joq. Olar bir ai boiy beiimdeý ortalyǵynda bolyp, qajetti meditsinalyq kómek alady. Atqarylǵan jumys mundai keleńsiz jaǵdailardyń aldyn alýǵa septigin tigizedi.
Qazaqstan óz azamattaryna qai jerde júrgenine qaramastan árdaiym qoldaý kórsetedi. Bizdiń negizgi mindetimiz - elimizdiń qaýipsizdigin, halqymyzdyń bereke-birligi men tutastyǵyn qamtamasyz etý. Qaqtyǵys aimaǵynda eriksiz júrgen balalardy qaitarý jónindegi jumystardy jalǵastyra beretin bolamyz", -delingen málimdemede.
