ەلباسى نۇرسۇلتان نازارباەۆ سيرييادان قازاقستان ازاماتتارىن ەۆاكۋاتسييالاۋ بويىنشا گۋمانيتارلىق وپەراتسيياعا بايلانىستى مەلٸمدەمە جاسادى, دەپ حابارلايدى "ۇلت اقپارات" اقورداعا سٸلتەمە جاساپ.
"بيىلعى 6 قاڭتاردا مەنٸڭ تاپسىرمام بويىنشا قۇقىق قورعاۋ ورگاندارى مەن سىرتقى ٸستەر مينيسترلٸگٸ جٷرگٸزگەن گۋمانيتارلىق شارا نەتيجەسٸندە سيرييادان 47 ازاماتىمىز, سونىڭ ٸشٸندە 30 بالا ەلٸمٸزگە قايتارىلدى.
ولار داعدارىس جايلاعان ەلگە الدانىپ بارىپ, تەرروريستەردٸڭ تۇتقىنىندا بولدى. قازاقستانعا كەلگەن سوڭ ەيەلدەر مەن بالالارعا مەملەكەت تاراپىنان بارلىق كٶمەك كٶرسەتٸلدٸ. وسىنداي اۋىر جاعدايعا ۇشىراعان بۇل كٸنەسٸز جانداردىڭ قۋانىشىندا شەك جوق. ولار بٸر اي بويى بەيٸمدەۋ ورتالىعىندا بولىپ, قاجەتتٸ مەديتسينالىق كٶمەك الادى. اتقارىلعان جۇمىس مۇنداي كەلەڭسٸز جاعدايلاردىڭ الدىن الۋعا سەپتٸگٸن تيگٸزەدٸ.
قازاقستان ٶز ازاماتتارىنا قاي جەردە جٷرگەنٸنە قاراماستان ەردايىم قولداۋ كٶرسەتەدٸ. بٸزدٸڭ نەگٸزگٸ مٸندەتٸمٸز - ەلٸمٸزدٸڭ قاۋٸپسٸزدٸگٸن, حالقىمىزدىڭ بەرەكە-بٸرلٸگٸ مەن تۇتاستىعىن قامتاماسىز ەتۋ. قاقتىعىس ايماعىندا ەرٸكسٸز جٷرگەن بالالاردى قايتارۋ جٶنٸندەگٸ جۇمىستاردى جالعاستىرا بەرەتٸن بولامىز", -دەلٸنگەن مەلٸمدەمەدە.
