QR Tuńǵysh Prezidenti Nursultan Nazarbaev «JP Morgan Chase International» basqarma tóraǵasy Djeikob Frenkelmen kezdesti, dep habarlaidy "Ult aqparat" Elbasynyń resmi saityna silteme jasap.
Áńgime barysynda Elbasy álemniń jetekshi sarapshylary ózara dialog qurýy úshin «Astana klýb» alańynyń erekshe mańyzdy ekenin atap ótti.
«Qazaqstanǵa qosh keldińizder. Bizdiń forýmǵa kórnekti qarjyger, bedeldi ǵalym jáne ekonomist, álemdegi jetekshi qarjylyq uiymnyń tabysty basshysy qatysyp otyrǵanyna óte qýanyshtymyz. Búgin «Astana klýb» forýmy álemniń ziialy qaýymymen, ekonomisterimen jáne saiasatkerlerimen kezdesip, ózekti máselelerdi talqylaýǵa múmkindik berip otyr», - dedi Qazaqstannyń Tuńǵysh Prezidenti.
Kezdesý barysynda taraptar «Astana» Halyqaralyq qarjy ortalyǵyn odan ári damytý perspektivalaryna da nazar aýdardy.
«Siz AHQO Qazaqstan úshin ekonomikalyq damýǵa serpin beretin mańyzdy transformatsiialyq sheshim ekenin atap óttińiz. Biz bul bastamany odan ári damytyp jatyrmyz. Qazirgi ýaqytta AHQO qarjy ortalyqtarynyń jahandyq indeksinde 51-shi orynda tur», - dedi Nursultan Nazarbaev.
