Qaýipsizdik keńesiniń Tóraǵasy Nursultan Nazarbaev Prezident kómekshisi – Qaýipsizdik Keńesiniń Hatshysy Áset Isekeshevti qabyldady, dep habarlaidy "Ult aqparat" elbasy.kz-ke silteme jasap.
Kezdesý barysynda Elbasy Qaýipsizdik keńesiniń jańa jaǵdaida atqaryp jatqan jumysynyń mańyzdylyǵyna toqtaldy. Qaýipsizdik keńesiniń ulttyq qaýipsizdikti, qorǵanys qabiletin, zańdylyq pen quqyqtyq tártiptiń saqtalýyn qamtamasyz etýde mańyzdy ról atqarǵany atap ótildi.
Óz kezeginde Á.Isekeshev koronavirýs epidemiiasyna qarsy jáne ekonomikalyq qaýipsizdikti qamtamasyz etýmen bailanysty daǵdarysqa qarsy is-sharalardy júzege asyrý jónindegi Qaýipsizdik keńesiniń sheshimderiniń oryndalý barysy týraly baiandady.
Sonymen birge Qazaqstannyń Tuńǵysh Prezidentine elimizdegi zańdylyq pen quqyqtyq tártiptiń ahýaly, áskeri, quqyq qorǵaý jáne arnaiy memlekettik organdardyń qyzmeti boiynsha máseleler, sondai-aq qorǵanys ónerkásibi kesheniniń damý perspektivalary jóninde egjei-tegjeili aqparat berildi.
