Foto: ashyq derekkózden
Qazaqstan Respýblikasynyń Tuńǵysh Prezidenti Nursultan Nazarbaev inisi Bolat Nazarbaevtyń qazasynan keiin halyqqa úndeý jasady, - dep habarlaidy "Ult aqparat".
"Qymbatty otandastar! Qurmetti dostar!
Inimniń mezgilsiz qaitys bolýyna orai aitylǵan jyly sózder men shynaiy tilekterińizge rizashylyǵymdy bildiremin. Osyndai aýyr sátte sizderdiń kórsetken qoldaýlaryńyz maǵan kúsh-qýat berdi.
Jaqyn adamnan aiyrylý - orny tolmas qasiret. Ol uzaq jyldar boiy aýyrdy, biraq bizge eshqashan qinalǵanyn bildirtpedi.
Sońǵy kúnderi birqatar eldiń basshylarynan kóńil aitý jedelhattaryn alyp jatyrmyn. Sondai-aq, maǵan elimizdiń saiasi jáne qoǵam qairatkerlerinen, depýttatar men diplomattardan, dini qyzmetkerler men biznes qoǵamdastyq ókilderinen, sondai-aq kóptegen qazaqstandyqtardan hattar kelip tústi. Qaiǵymdy bólisip, qoldaý bildirgen barlyq janǵa alǵysymdy aitamyn. Shynaiy nietterińizge kóp rahmet", — delingen Nazarbaevtyń úndeýinde.
Eske sala keteiik, 13 qarashada 71 jasqa qaraǵan shaǵynda sozylmaly aýrýdyń saldarynan Nursultan Nazarbaevtyń týǵan inisi Bolat Nazarbaev dúnieden ozdy.
Almatydaǵy Ortalyq klinikalyq aýrýhana bul aqparatty rastady. Dárigerlerdiń aitýynsha, Bolat Nazarbaev 13 qarashada saǵat 09.51-de qaitys bolǵan.
