فوتو: اشىق دەرەككٶزدەن
قازاقستان رەسپۋبليكاسىنىڭ تۇڭعىش پرەزيدەنتٸ نۇرسۇلتان نازارباەۆ ٸنٸسٸ بولات نازارباەۆتىڭ قازاسىنان كەيٸن حالىققا ٷندەۋ جاسادى, - دەپ حابارلايدى "ۇلت اقپارات".
"قىمباتتى وتانداستار! قۇرمەتتٸ دوستار!
ٸنٸمنٸڭ مەزگٸلسٸز قايتىس بولۋىنا وراي ايتىلعان جىلى سٶزدەر مەن شىنايى تٸلەكتەرٸڭٸزگە ريزاشىلىعىمدى بٸلدٸرەمٸن. وسىنداي اۋىر سەتتە سٸزدەردٸڭ كٶرسەتكەن قولداۋلارىڭىز ماعان كٷش-قۋات بەردٸ.
جاقىن ادامنان ايىرىلۋ - ورنى تولماس قاسٸرەت. ول ۇزاق جىلدار بويى اۋىردى, بٸراق بٸزگە ەشقاشان قينالعانىن بٸلدٸرتپەدٸ.
سوڭعى كٷندەرٸ بٸرقاتار ەلدٸڭ باسشىلارىنان كٶڭٸل ايتۋ جەدەلحاتتارىن الىپ جاتىرمىن. سونداي-اق, ماعان ەلٸمٸزدٸڭ ساياسي جەنە قوعام قايراتكەرلەرٸنەن, دەپۋتتاتار مەن ديپلوماتتاردان, دٸني قىزمەتكەرلەر مەن بيزنەس قوعامداستىق ٶكٸلدەرٸنەن, سونداي-اق كٶپتەگەن قازاقستاندىقتاردان حاتتار كەلٸپ تٷستٸ. قايعىمدى بٶلٸسٸپ, قولداۋ بٸلدٸرگەن بارلىق جانعا العىسىمدى ايتامىن. شىنايى نيەتتەرٸڭٸزگە كٶپ راحمەت", — دەلٸنگەن نازارباەۆتىڭ ٷندەۋٸندە.
ەسكە سالا كەتەيٸك, 13 قاراشادا 71 جاسقا قاراعان شاعىندا سوزىلمالى اۋرۋدىڭ سالدارىنان نۇرسۇلتان نازارباەۆتىڭ تۋعان ٸنٸسٸ بولات نازارباەۆ دٷنيەدەن وزدى.
الماتىداعى ورتالىق كلينيكالىق اۋرۋحانا بۇل اقپاراتتى راستادى. دەرٸگەرلەردٸڭ ايتۋىنشا, بولات نازارباەۆ 13 قاراشادا ساعات 09.51-دە قايتىس بولعان.
