Memleket basshysy Nursultan Nazarbaev Resei Federatsiiasynyń Prezidenti Vladimir Pýtinniń shaqyrýymen Máskeý qalasyndaǵy «Lýjniki» stadionynda fýtboldan 2018 jylǵy álem chempionatynyń ashylý rásimine qatysty, dep habarlaidy Aqordanyń baspasóz qyzmeti.
Ashylý rásimi aiaqtalǵan soń Resei jáne Saýd Arabiiasy qurama komandalary arasynda chempionattyń aqtyq kezeńiniń birinshi oiyny boldy.
Alǵashqy kezdesýde alań ieleri - Resei quramasy Saýd Arabiiasynan 5:0 esebimen basym tústi
Eki qurama buǵan deiin 1 márte kezdesý ótkizgen eken. 1993 jyly ótken joldastyq kezdesýde arab jigitteri 4:2 esebimen basym túsken edi. Al resmi kezdesýde ekeýi eshqashan kezdesip kórmegen.
Aita keteiik, 2018 jylǵy álem chempionatynyń aqtyq kezeńi 14 maýsym men 15 shilde aralyǵynda ótedi. Týrnirge 32 ulttyq qurama komanda qatysady. Komandalar arasyndaǵy oiyndar Resei Federatsiiasynyń 11 qalasyndaǵy 12 stadionda ótedi.
