Qazaqstannyń Tuńǵysh Prezidenti, Elbasy Nursultan Nazarbaev Túrkiia Respýblikasynyń Prezidenti Rejep Taiip Erdoǵanmen telefon arqyly sóilesti, dep habarlaidy "Ult aqparat" Elbasynyń resmi saityna silteme jasap.
Áńgime barysynda Elbasy Rejep Taiip Erdoǵandy týǵan kúnimen quttyqtap, zor densaýlyq pen baýyrlas Túrkiia halqynyń igiligi jolyndaǵy memlekettik qyzmetine tabys tiledi.
Túrkiia Respýblikasynyń Prezidenti Nursultan Nazarbaevqa jyly lebizderi úshin rizashylyǵyn bildirip, onyń Túrkitildes memleketterdiń yntymaqtastyq keńesiniń (Túrki keńesi) Qurmetti tóraǵasy retindegi mańyzdy rólin erekshe atap ótti.
Sońynda taraptar eki el arasyndaǵy strategiialyq seriktestik qatynastardyń damý qarqynyna joǵary baǵa berdi.
