Nursultan Nazarbaev Túrkiia Respýblikasynyń Prezidenti Rejep Taiip Erdoǵanmen telefon arqyly sóilesti, - dep habarlaidy "Ult aqparat" Aqordaǵa silteme jasap.
Memleketter basshylary áńgimelesý barysynda ekijaqty yntymaqtastyqtyń jáne óńirlik kún tártibiniń ózekti máselelerin talqylady.
Nursultan Nazarbaev Rejep Erdoǵandy biylǵy 12 maýsymda Eskishehir qalasynda Transanatoliia gaz qubyrynyń (TANAP) resmi túrde iske qosylatyndyǵymen quttyqtady. Qazaqstan Prezidenti bul jobanyń Túrkiia Respýblikasynyń tranzittik áleýetin arttyrýǵa septigin tigizetinine jáne eldiń ekonomikalyq damýyna zor yqpal etetinine senim bildirdi.
Sonymen qatar, Nursultan Nazarbaev pen Rejep Erdoǵan eki memleket arasyndaǵy syndarly dialogty odan ári ilgeriletý máselelerin qarastyrdy.
Telefon arqyly sóilesýge Túrkiia jaǵy bastamashy boldy.
