Elbasy Nursultan Nazarbaev elordadaǵy «jasyl beldeýdiń» damý barysymen tanysty, dep habarlaidy Elbasy.kz.
Kezdesý barysynda Qazaqstannyń Tuńǵysh Prezidenti ekologiia, geologiia jáne tabiǵi resýrstar vitse-ministri Erlan Nysanbaevtyń, Nur-Sultan qalasynyń ákimi Altai Kólginovtiń jáne Aqmola oblysynyń ákimi Ermek Marjyqpaevtyń aqparatyn tyńdady.
– Sizdiń tapsyrmańyzǵa sáikes 1997 jyldan bastap biz «jasyl beldeý» qurý jumystaryn júrgizip kelemiz. Búginde onyń aýdany 87 myń gektardan asady. Biyl otyrǵyzý aýmaǵy 4,6 myń gektardy qurady. 2022 jylǵa deiin biz jalpy jasyl jelektiń aýmaǵyn 100 myń gektarǵa jetkizemiz», – dedi ekologiia, geologiia jáne tabiǵi resýrstar vitse-ministri.
Sonymen qatar, Elbasyna agrotehnikalyq is-sharalardyń nátijesinde alynǵan málimetterdi jinaý jáne taldaý úderisterin tsifrlandyrý boiynsha josparlanǵan sharalar týraly aqparat berildi.
Sondai-aq, Qazaqstannyń Tuńǵysh Prezidentine elordany kógaldandyrý nátijeleri jáne «jasyl beldeýdi» Býrabai orman alqabymen qosý boiynsha qabyldanǵan sharalar týraly baiandaldy.
Usynylǵan baiandamalardy nazarǵa ala otyryp, Nursultan Nazarbaev elorda tóńireginde «jasyl beldeý» qurý tájiribesin elimizdiń ózge óńirlerinde qoldanýdyń mańyzyn atap ótti.
