ەلباسى نۇرسۇلتان نازارباەۆ ەلورداداعى «جاسىل بەلدەۋدٸڭ» دامۋ بارىسىمەن تانىستى, دەپ حابارلايدى Elbasy.kz.
كەزدەسۋ بارىسىندا قازاقستاننىڭ تۇڭعىش پرەزيدەنتٸ ەكولوگييا, گەولوگييا جەنە تابيعي رەسۋرستار ۆيتسە-مينيسترٸ ەرلان نىسانباەۆتىڭ, نۇر-سۇلتان قالاسىنىڭ ەكٸمٸ التاي كٶلگٸنوۆتٸڭ جەنە اقمولا وبلىسىنىڭ ەكٸمٸ ەرمەك مارجىقپاەۆتىڭ اقپاراتىن تىڭدادى.
– سٸزدٸڭ تاپسىرماڭىزعا سەيكەس 1997 جىلدان باستاپ بٸز «جاسىل بەلدەۋ» قۇرۋ جۇمىستارىن جٷرگٸزٸپ كەلەمٸز. بٷگٸندە ونىڭ اۋدانى 87 مىڭ گەكتاردان اسادى. بيىل وتىرعىزۋ اۋماعى 4,6 مىڭ گەكتاردى قۇرادى. 2022 جىلعا دەيٸن بٸز جالپى جاسىل جەلەكتٸڭ اۋماعىن 100 مىڭ گەكتارعا جەتكٸزەمٸز», – دەدٸ ەكولوگييا, گەولوگييا جەنە تابيعي رەسۋرستار ۆيتسە-مينيسترٸ.
سونىمەن قاتار, ەلباسىنا اگروتەحنيكالىق ٸس-شارالاردىڭ نەتيجەسٸندە الىنعان مەلٸمەتتەردٸ جيناۋ جەنە تالداۋ ٷدەرٸستەرٸن تسيفرلاندىرۋ بويىنشا جوسپارلانعان شارالار تۋرالى اقپارات بەرٸلدٸ.
سونداي-اق, قازاقستاننىڭ تۇڭعىش پرەزيدەنتٸنە ەلوردانى كٶگالداندىرۋ نەتيجەلەرٸ جەنە «جاسىل بەلدەۋدٸ» بۋراباي ورمان القابىمەن قوسۋ بويىنشا قابىلدانعان شارالار تۋرالى باياندالدى.
ۇسىنىلعان باياندامالاردى نازارعا الا وتىرىپ, نۇرسۇلتان نازارباەۆ ەلوردا تٶڭٸرەگٸندە «جاسىل بەلدەۋ» قۇرۋ تەجٸريبەسٸن ەلٸمٸزدٸڭ ٶزگە ٶڭٸرلەرٸندە قولدانۋدىڭ ماڭىزىن اتاپ ٶتتٸ.
