Joǵary eýraziialyq ekonomikalyq keńestiń Qurmetti tóraǵasy, Qazaqstannyń Tuńǵysh Prezidenti – Elbasy Nursultan Nazarbaev EAEO jumysyna Shanhai yntymaqtastyq uiymyn tartýdy usyndy, dep habarlaidy QazAqparat.
«Keibir elder óz ishinde tuiyqtala bastady. Memleketaralyq qarym-qatynastar nasharlap, saýda báseńdedi, ózara kedergiler kóbeidi. Biz jahandyq sipattaǵy ári syrtqy spetsifikalyq qysymdarmen bailanysty qiyndyqtardan óttik. Bizdiń odaqtyń jekelegen qatysýshylary sol synaqtardyń nysanyna ainalǵan kezder boldy. Bizdiń integratsiianyń tyǵyz iske asýyn qalamaityn kúshter bar. Ondai ýájderge berilýge bolmaidy», - degen Elbasy birneshe baǵytqa kóńil bólýdiń mańyzdy ekenin atady.
«Birinshisi – áleýmettik infraqurylym. Jaqyn jyldarda dári-dármek pen meditsinalyq buiymdardyń naryǵyn tolyq qurý qajet. Ekinshisi – azyq-túlik qaýipsizdigi men agroónerkásip saiasaty. Bul baǵyttaǵy kooperatsiiany jedeldetip, azyq-túlik tapshylyǵyna jol bermei, búkil keńistikte biznestiń damýyna múmkindik jasaý kerek. Sarapshylardyń aitýynsha, bul jyldary bankterde qalyptasqan 10 trilliondyq infliatsiia jalpy infliatsiia týyndatatyny anyq», - dedi Nursultan Nazarbaev.
Tuńǵysh Prezident EAEO áleýetin Eýropa men Aziia naryǵynyń arasyndaǵy kópir retinde paidalaný usynysy áli ózekti ekenin atady.
«Bizdiń odaqta óz aýmaǵymyzdaǵy elderdiń turǵyndaryn qamtamasyz etý úshin bári bar. Tek durys josparlap, durys kooperatsiia jasap, durys bailanys ornatý arqyly óz aýmaǵymyzda bar dúniemen ózge elderdi qamtamasyz etýimiz kerek. Jýyqta azyq-túlik tapshylyǵyn mindetti túrde sezinemiz. Syrtqy bailanystar mańyzdy. Buǵan deiingi otyrystarda aitqanymyzdai, Eýropa men Aziia naryqtarynyń saýda kópiri jobasyn iske asyryp, bul iske Shanhai yntymaqtastyq uiymyn da kiristirýimiz kerek», - dedi Elbasy.
