جوعارى ەۋرازييالىق ەكونوميكالىق كەڭەستٸڭ قۇرمەتتٸ تٶراعاسى, قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆ ەاەو جۇمىسىنا شانحاي ىنتىماقتاستىق ۇيىمىن تارتۋدى ۇسىندى, دەپ حابارلايدى قازاقپارات.
«كەيبٸر ەلدەر ٶز ٸشٸندە تۇيىقتالا باستادى. مەملەكەتارالىق قارىم-قاتىناستار ناشارلاپ, ساۋدا بەسەڭدەدٸ, ٶزارا كەدەرگٸلەر كٶبەيدٸ. بٸز جاھاندىق سيپاتتاعى ەرٸ سىرتقى سپەتسيفيكالىق قىسىمدارمەن بايلانىستى قيىندىقتاردان ٶتتٸك. بٸزدٸڭ وداقتىڭ جەكەلەگەن قاتىسۋشىلارى سول سىناقتاردىڭ نىسانىنا اينالعان كەزدەر بولدى. بٸزدٸڭ ينتەگراتسييانىڭ تىعىز ٸسكە اسۋىن قالامايتىن كٷشتەر بار. ونداي ۋەجدەرگە بەرٸلۋگە بولمايدى», - دەگەن ەلباسى بٸرنەشە باعىتقا كٶڭٸل بٶلۋدٸڭ ماڭىزدى ەكەنٸن اتادى.
«بٸرٸنشٸسٸ – ەلەۋمەتتٸك ينفراقۇرىلىم. جاقىن جىلداردا دەرٸ-دەرمەك پەن مەديتسينالىق بۇيىمداردىڭ نارىعىن تولىق قۇرۋ قاجەت. ەكٸنشٸسٸ – ازىق-تٷلٸك قاۋٸپسٸزدٸگٸ مەن اگروٶنەركەسٸپ ساياساتى. بۇل باعىتتاعى كووپەراتسييانى جەدەلدەتٸپ, ازىق-تٷلٸك تاپشىلىعىنا جول بەرمەي, بٷكٸل كەڭٸستٸكتە بيزنەستٸڭ دامۋىنا مٷمكٸندٸك جاساۋ كەرەك. ساراپشىلاردىڭ ايتۋىنشا, بۇل جىلدارى بانكتەردە قالىپتاسقان 10 تريلليوندىق ينفلياتسييا جالپى ينفلياتسييا تۋىنداتاتىنى انىق», - دەدٸ نۇرسۇلتان نازارباەۆ.
تۇڭعىش پرەزيدەنت ەاەو ەلەۋەتٸن ەۋروپا مەن ازييا نارىعىنىڭ اراسىنداعى كٶپٸر رەتٸندە پايدالانۋ ۇسىنىسى ەلٸ ٶزەكتٸ ەكەنٸن اتادى.
«بٸزدٸڭ وداقتا ٶز اۋماعىمىزداعى ەلدەردٸڭ تۇرعىندارىن قامتاماسىز ەتۋ ٷشٸن بەرٸ بار. تەك دۇرىس جوسپارلاپ, دۇرىس كووپەراتسييا جاساپ, دۇرىس بايلانىس ورناتۋ ارقىلى ٶز اۋماعىمىزدا بار دٷنيەمەن ٶزگە ەلدەردٸ قامتاماسىز ەتۋٸمٸز كەرەك. جۋىقتا ازىق-تٷلٸك تاپشىلىعىن مٸندەتتٸ تٷردە سەزٸنەمٸز. سىرتقى بايلانىستار ماڭىزدى. بۇعان دەيٸنگٸ وتىرىستاردا ايتقانىمىزداي, ەۋروپا مەن ازييا نارىقتارىنىڭ ساۋدا كٶپٸرٸ جوباسىن ٸسكە اسىرىپ, بۇل ٸسكە شانحاي ىنتىماقتاستىق ۇيىمىن دا كٸرٸستٸرۋٸمٸز كەرەك», - دەدٸ ەلباسى.
