Din kóshbasshylary álem elderin beibitshilikke shaqyryp, sóz sóileýleri qajet. Bul týraly búgin elordada ótip jatqan Álemdik jáne dástúrli dinder kóshbasshylarynyń VI sezinde QR Prezidenti Nursultan Nazarbaev aitty, dep habarlaidy QazAqparat tilshisi.
«Sizder men bizder jer betinde beibitshilikti qamtamasyz etý umtylysymyzǵa negiz bolǵan zor áleýetimizdi laiyqty deńgeide paidalanamyz. Ózara is-qimyldyń jańa deńgeiine shyǵý qajet. Sóz janjaldasýshy taraptardyń arasynda konstrýktivti dialog ornatý úshin dini kóshbasshylardyń, dini uiymdardyń zor múmkinshiligin paidalaný jaiynda bolyp otyr», - dedi Memleket basshysy.
Osy rette Qazaqstan Prezidenti barlyq din kóshbasshylaryna álemdik qoǵamdastyqty, adamdardy, memleketterdi beibitshilik pen qaýipsizdikke shaqyryp, sóz sóileýdi usyndy.
«Ony árbir dinniń tájiribesine sáikes fetva, intsikliktika nemese ózge de joldaýlar men júginimder formasynda bildirýge bolar edi», - dedi Nursultan Nazarbaev.
