Nursultan Nazarbaev «Shevron» kompaniiasynyń direktorlar keńesiniń tóraǵasy jáne bas atqarýshy direktory Djon Ýotsonmen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda taraptar Qazaqstannyń «Shevron» kompaniiasymen munai-gaz salasyndaǵy yntymaqtastyǵyn odan ári nyǵaitý máselelerin talqylady.
Memleket basshysy munai-gaz salasyna qatysty jobalardy birlese iske asyrýdyń tiimdiligin aityp, Djon Ýotsonǵa osy jumystardy atqarýǵa qosqan úlesi úshin rizashylyq bildirdi.
– Qazaqstan «Shevron» kompaniiasymen erekshe qarym-qatynas ornatty. Biz shirek ǵasyrdan astam ýaqyttan beri birge jumys jasap kelemiz. Men birlese atqarǵan jumystaryńyz úshin Sizge alǵys aitqym keledi. Biz sizdermen ózara tiimdi yntymaqtastyq ornata bildik, – dedi Qazaqstan Prezidenti.
Djon Ýotson Qazaqstan men «Shevron» kompaniiasynyń yntymaqtastyq máselelerin talqylap, ony ári qarai damytýǵa qatysty pikir almasýǵa múmkindik týǵyzǵany úshin Nursultan Nazarbaevqa alǵys aitty.
Kezdesýde Djon Ýotson Memleket basshysyna 2018 jyldyń aqpan aiynan bastap kompaniianyń bas atqarýshy direktory qyzmetin atqaratyn Maikl Virtti tanystyrdy.
