2018 jyldyń 18 qańtarynda Qazaqstan Prezidenti Nursultan Nazarbaev BUU Qaýipsizdik keńesiniń qarý qoldanýdy jappai joiýǵa arnalǵan brifingke qatysady. Bul týraly uiymnyń Niý-Iorktegi shtab-páterinde ótken baspasóz-konferentsiiasynda Qazaqstannyń Birikken Ulttar Uiymy janyndaǵy turaqty ókili Qairat Omarov málimdedi, - dep habarlaidy BUU Jańalyqtar ortalyǵy.
Sondai-aq, brifingke QR Prezidentimen qosa basqa da birneshe memlekettiń basshylary men ministrlerdiń qatysatyny aitylady.
"Biz nege bul máseleni kóterip otyrmyz? Biz búginde túrli saiasi kóshbasshylar men elder arasynda senimge negizdelgen qarym-qatynasty ornatýǵa kóbirek nazar aýdarý kerek dep sanaimyz. Munsyz qandai da bir problemalardy sheshý múmkin emes dep oilaimyz", - dedi elshi Qairat Omarov.
Sonymen qatar, Omarovtyń aitýynsha, 19 qańtarda Qazaqstannyń Syrtqy ister ministri Qairat Ábdirahmanov ministrlik deńgeidegi debattarǵa qatysady. Debattardyń Aýǵanstan men Orta Aziia elderi arasyndaǵy yntymaqtastyqty retteýge arnalatyny aitylady.
Ortalyqtyń málimetinshe, BUU janyndaǵy otyrysqa BUU Bas hatshysy Antoniý Gýterrish qatysady. Ol Ortalyq Aziiaǵa biyl jazda kelgen edi.
