Elbasy Birikken Ulttar Uiymynyń burynǵy Bas hatshysy Haver Peres de Kýeliardyń qaitys bolýyna bailanysty kóńil aitý jedelhatyn joldady, dep habarlaidy Elbasynyń resmi saity.
Qazaqstannyń Tuńǵysh Prezidenti perýlyq diplomat pen saiasatker, Birikken Ulttar Uiymynyń burynǵy Bas hatshysy Haver Peres de Kýeliardyń qaitys bolǵany týraly sýyt habardy kúizelispen qabyldady.
«1991 jyly men onyń esimine Qazaqstannyń Birikken Ulttar Uiymyna jańa múshe bolyp qabyldanýy týraly hat jibergenmin. Haver Peres de Kýeliar bizdiń elimizdiń osy Uiymǵa qosylý protsessine úlken eńbegin sińirgen tulǵa», - delingen jedelhatta.
«Osynaý azaly sátte saiasatkerdiń otbasy men týystaryna, sondai-aq Birikken Ulttar Uiymyndaǵy áriptesterine qaiǵyryp kóńil aitamyn», - delingen BUU Bas hatshysy Antoniý Gýterrishke joldanǵan jedelhatta.
