Qazaqstannyń Tuńǵysh Prezidenti Nursultan Nazarbaev Rahat Áliev týraly aitty, - dep habarlaidy Sputnik Qazaqstan.
Belgili rejisser Oliver Stoýn prodiýserlik etken "Qazaq: history of the golden man" derekti filminde Elbasy burynǵy kúieý balasy, marqum Rahat Áliev týraly sóz qozǵady. Nazarbaev onyń joǵary laýazymǵa taǵaiyndalýyn "úlken qatelik" dep atady.
"Ol qarjy politsiiasynyń basshylyǵyna keldi. Osyny paidalanyp, biznesti qyspaqqa aldy, aqshasyn tartyp aldy. Bir kúni men oǵan "Toqta" dep eskerttim. Túsinesizder me, meniń kúieý balam. Kishkentai úsh jienim bar. Bári – meniń qyzym úsh balasymen jáne onyń ákesi maǵan keldi. Men olarǵa: "Men ne istei alamyn? Ol qylmysker" dep aittym", - dep eske aldy Nazarbaev.
"Siz qatty kúizelgen shyǵarsyz?", - dep surady odan Oliver Stoýn.
"Óte aýyr boldy. Eger basqa bireý bolsa... Al mynda arqa súieitin, senetin óz jaqynyń... Siz keshe Dariǵamen kezdestińiz ǵoi?", - dep surady Elbasy.
"Iá, biraq ol bul jaily áńgimeleskisi kelgen joq", - dep jaýap berdi Stoýn.
"Men onyń neni bastan keshkenin túsinemin. Men ony aiaimyn", - dep túiindedi Nazarbaev.
Áliev Qazaqstannyń Tuńǵysh Prezidenti Nursultan Nazarbaevtyń úlken qyzy Dariǵaǵa úilengen edi. 2008 jyly Áliev óz otanynda bilikti basyp alýǵa daiyndalǵany jáne adam urlaýmen ainalysqan qylmystyq topty qurǵany úshin uzaq merzimge syrttai sottaldy. Vena soty 2011 jyly maýsymda Álievti Qazaqstanǵa ekstraditsiialaýdan bas tartty.
2015 jyly aqpannyń sońynda avstriialyq BAQ Áliev Avstriia astanasyndaǵy túrmeden denesi tabylǵanyn habarlady. Ol óz-ózine qol salǵan.
