- El ekonomikasy tirshiliginiń negizi - jekemenshik, shaǵyn jáne orta biznes.
Bul týraly búgin Astanada ótip jatqan Respýblika sýdialarynyń VII sezinde Qazaqstan Prezidenti Nursultan Nazarbaev aitty, dep habarlaidy Ult.kz tilshisi QazAqparat agenttigine silteme jasap.
«Bizdiń Konstitýtsiiamyzda jekemenshikke qol suǵylmaityndyǵy jazylǵan. Al biz bolsaq kerisinshe, Táýelsizdiktiń alǵashqy kúninen biznesmenderge tap berdik. Olardyń belgili bir aqshalary bar, olar biznesmender. Dúken ashty ma, demek ury jáne ony sonaý bir kezderdegi OBHSS (sotsialistik menshikti urlaýmen kúres jónindegi bólim) printsipimen qurtý kerek», - dedi Nazarbaev.
Memleket basshysy mundai psihologiia eńserilgenimen, onyń sarqynshaǵy bar ekendigin atap ótti.
«El ekonomikasy tirshiliginiń negizi - jekemenshik, shaǵyn jáne orta biznes. Esterińizge saqtańyzdar, men muny ár ýaqytta da aityp kelemin, meniń bulai bolǵandyǵyn qalaǵanymnan emes. Naryqtyq ekonomikadaǵy basty ról bizneske tiesili», - dedi Elbasy.
