Qazaqstan Prezidenti Nursultan Nazarbaev sybailas jemqorlyqpen kúres jaiynda óz oiyn aitty, - dep habarlaidy Tengrinews.kz tilshisi.
Úkimettiń keńeitilgen otyrysynda prezident elimizde sybailas jemqorlyqpen barynsha kúresip jatqanyn málimdedi.
"Quqyq qorǵaý organdarynyń jumysy úshin barlyq jaǵdai jasaldy. Sonyń ishinde eńbekaqylary da kóterildi. Degenmen qoǵamnyń quqyq qorǵaý organdaryna degen senimi tómen. Osyǵan bailanysty qylmystyq protsestiń asyra jazalaýyn tómendetý men ony gýmanizatsiialaý baǵdaryn jalǵastyrý qajet", - deidi Elbasy.
Sonymen qatar, qaqtyǵystardy beibit sheshý kerektigi de aityldy.
"Ózderińiz batysta 80-90 paiyzy beibit jolmen, kelissózdermen sheshiledi deisizder. Nege biz olai emes? Bizde adamdy mindetti túrde ustap, ony túrmege qamaý kerek. Bul máseleni sheshýge bolsa da...", - dep narazylyǵyn bildirdi Nazarbaev.
Nursultan Nazarbaev quqyq qorǵaý jáne sot organdaryna kadrlyq quramyna talaptar ary qarai da qatań bolatynyn atap ótti.
"Jumystary sondai. Olardyń bedeli minsiz bolýy kerek. Sybailas jemqorlyqpen batyl kúresti jalǵastyrý qajet", - dep túidi Nazarbaev.
